AITC-ի առաքելությունը

Հայ-հնդկական ՏՀՏ Գերազանցության կենտրոնը Հայաստանի Հանրապետության Կառավարության և Հնդկաստանի Կառավարության համատեղ ծրագիր է, որն իրականացվում է “Ձեռնարկությունների Ինկուբատոր” հիմնադրամի (Հայաստան) և C-DAC Կենտրոնի (Հնդկաստան) կողմից: AITC կենտրոնի նպատակն է դառնալ առանցքային ուսումնական կենտրոն միտված Հայաստանում ՏՏ ոլորտի զարգացմանն ու խթանմանը։ Կենտրոնն իրականացնում է ինչպես կարճաժամկետ, այնպես էլ երկարաժամկետ դասընթացներ զանազան թիրախային և տարիքային խմբերի՝ երեխաների, դեռահասների, ուսանողների, մասնագետների, դասախոսների, գիտնականների, մեծահասակների համար։
2011 թվականից Հայ-հնդկական ՏՀՏ գերազանցության կենտրոնը դասընթացներ և սեմինարներ է անցկացնում ՏՏ, հեռահաղորդակցության, բանկային և կրթական ոլորտի ընկերությունների համար՝ մինչ այժմ կրթելով 12000 մասնակցի: Մեր կենտրոնը գտնվում է Երևանի պետական համալսարանում։

AITC կենտրոնի գլխավոր նպատակներն են՝

• ՏՏ ոլորտի դասընթացների կազմակերպում

• Դիզայնի ոլորտի դասընթացների կազմակերպում

• Soft skills / բիզնես դասընթացներ

• Դասընթացներ երեխաների և պատանիների համար (IT և դիզայն)

• Դասախոսների վերապատրաստում

Հայ-հնդկական ՏՀՏ գերազանցության կենտրոնը կազմակերպում է հատուկ դասընթացներ ծրագրավորման, օպերացիոն համակարգերի, մոբայլ ծրագրավորման, նախագծի կառավարման, մարքեթինգի, մարդկային ռեսուրսների կառավարման, վաճառքի, ռազմավարական կառավարման ոլորտներում, երեխաների և դեռահասների ուսուցում և դասընթացներ ընկերության պահանջների համաձայն։
Հաշվի առնելով լսարանի կարիքները և դիմողների գիտելիքների մակարդակը մենք մշակում ենք դասընթացի ծրագրեր ինչպես սկսնակների, այնպես էլ խորը գիտելիքներ ձեռք բերել ցանկացողների համար:

​

AITC-ն ունի ավելի քան 14 տարվա փորձ՝ մասնագիտական ուսուցման ծրագրերի կազմակերպման և միջազգային սերտիֆիկացման քննությունների անցկացման ոլորտում։ Նախկինում մենք գործել ենք որպես Pearson VUE և Prometric-ի լիազորված թեստավորման կենտրոն՝ կազմակերպելով միջազգային ճանաչում ունեցող քննություններ՝ ապահով և տեխնիկապես ժամանակակից սարքավորումներով հագեցած միջավայրում ։

 

Ներկայումս AITC-ն հանդիսանում է  միջազգային այնպիսի մասնագիտացված քննությունների անցկացման վայր ինչպիսիք են ACCA-ն և IELTS-ն՝  մշտապես պահպանելով բարձր մակարդակի գործառնական, տեխնիկական և անվտանգության չափանիշներ։ Կենտրոնը հագեցած է ժամանակակից համակարգչային սարքավորումներով, արագ ինտերնետ կապով, էլեկտրամատակարարման պահուստային համակարգով, տեսահսկմամբ և հարմարավետ պայմաններով, որոնք լիովին համապատասխանում են միջազգային քննությունների անցկացման պահանջներին։